Lefkada, Parga, Preveza

Nisja nga Tirana herët në mëngjes në orën 04:00. (Nisja nga Durresi ne oren 04:25). Ndalesa të shkurtra gjatë rrugës për në kufirin e Qafë Botës. Pasi të kalojmë në tokën greke, ndalesa e parë do të bëhet në qytetin turistik të Pargës, të ndërtuar në qafëmali dhe bregdet, ku do të konsumojmë edhe drekën. Kohëzgjatja e vizitës: 1 orë e 30 minuta. Vazhdojmë me një shëtitje të shkurtër në qytet dhe në shëtitoren kryesore buzë detit. Më pas nisemi drejt ishullit të Lefkadës. Akomodimi në hotel. Kohë e lirë për plazh pranë hotelit. Darkë e lirë. Pas darkës, opsionale: party në anije (e sugjeruar).

Mëngjesi në hotel dhe nisja për në qendrën më të famshme turistike të ishullit, Nidri. Aty na pret anija për një ditë plot ngjyra dhe det. Udhëtimi fillon në orën 09:45. Vizitojmë bregdetet me famë botërore të Lefkadës: Porto Katsiki ose Egremni, Meganisi, Scorpios, si dhe shpellën Papanikolis. Ndalesë 1-orëshe në ishullin Kefalonia dhe në ishullin e Odiseut, Itaka. Gjatë ditës bëhen 3-4 ndalesa për plazh. Kjo shëtitje është opsionale, me pagesë ekstra prej 35€ për person. Mbaron rreth orës 18:00. Kthimi në hotel. Darkë e lirë. Qëndrim i lirë në mbrëmje.

Mëngjesi në hotel. Më pas nisemi për në Preveza ku do të kemi kohë të lirë për plazh. Kthimi në Shqipëri pasdite do të bëhet nga dogana e Kakavisë. Mbërritja në Tiranë dhe Durrës në mbrëmje. Fundi i shërbimit tonë.