Dubrovnik, Cavtat, Tivat, Budva

Nisja nga Tirana në orën 06:00. Nisja nga Durrësi në orën 05:15. (Pagesë extra 5 euro/personi) Pas kalimit të pikës doganore Muriqan, ndalesë për të konsumuar mëngjesin. I drejtohemi më pas Ishullit të Shën Stefanit ku do të kryejmë një ndalesë të shkurtër panoramike. Vizita e radhës do të jetë qyteti i Cavtat. Qyteti ka një histori të lashtë që daton që nga koha romake (i njohur dikur si Epidaurum) dhe sot ofron një kombinim të qetësisë mesdhetare, arkitekturës tradicionale dhe natyrës së gjelbër me palma e pisha. Kohë e lirë për të konsumuar drekën në Cavtat (individuale). Nisemi drejt Dubrovnikut ku do të kryejmë dhe akomodimin në hotel. Pasdite e lirë pranë ambienteve të hotelit ku mund të shfrytëzojmë facilitetet e hotelit. Darka në hotel.

Pas mëngjesit në hotel nisemi drejt qytetit të vjetër të Dubrovnikut. Ai cilësohet si një nga perlat e Adriatikut. Raguza ka qenë gjithmonë urë komunikimi për Europën dhe qyteti është pjesë e Trashëgimive Kulturore të UNESCO-s. Vizita përfshin: Manastirin Franceskan dhe Domenikan, Portën e Pilës dhe Ujëmbledhësin Onofrio, Farmacinë e Vjetër, shëtitoren kryesore Stradun, Katedralen e qytetit (Katedralja e St. Blaise, shenjtorit të Dubrovnikut), Pallatin e Dukës, Kullën e Sahatit, Statujën e Heroit Orlando dhe të shkrimtarit Marin Drizic, Kullën e Mincetës dhe Portin e Qytetit. Pas vizitës kthehemi në hotel. Darka dhe akomodimi në hotel.

Mëngjesi në hotel. Pas mëngjesit nisemi drejt Tivatit, i cili është një ndër qytetet bregdetare më tërheqëse, dhe vazhdojmë drejt Porto Montenegro, një nga vendet më luksoze të Malit të Zi. Më pas i drejtohemi qytetit të Budvës, vizitojmë qytetin e vjetër të Budvës dhe kohë e lirë. Më pas nisemi për në Muriqan për të vazhduar me procedurat e kalimit të kufirit shqiptar. Mbërritja në Tiranë në mbrëmje rreth orës 20:00. Fundi i shërbimit tonë!